|
| 今晚0係呢度,呢個"小藍blog"要同大家講聲再見喇~~各位想知我近況0既朋友仔就要勤力d打電話比我喇~~當然我都會好努力咁同你0地聯絡啦~~卡卡~~ 老土d講句"天下無不散之延席",或者有一日小bel會返0黎~又或者有0左"新地步"我會通知大家0架喇~~到時大家再光臨我0既新"屋屋"啦~~ 最後,多謝各方新舊好友一直支持~一直分享大家0既開心&唔開心~~bye bye~~ | | |
| 雖然0岩0岩病好...但係今日都要返公司prepare聽日開會用0既衫衫...一個人返公司有少少驚驚,好彩有samuel陪我返去,不過就悶0左佢半日~仲要幫我入歌落nano度~~真係唔該晒呀~~做0左幾個鐘...都做唔晒d0野...不過唔走唔得喇...聽日返去惟有"聽"比人鬧啦...之後經天水圍返元朗,好耐都無真真正正0係天水圍行過喇~真係變0左好多~~同samuel傾開傾開記起好多以前0既0野~~ 臨訓前,攤起床度睇書,看看自己0既手腕...近幾日病病,從前覺得自己肥0都0都0既身體忽然間好似變得有點瘦弱...即使無上磅...還是覺得骨骨0既手腕...有點恐怖... 今日仲收到samuel這份遲來的x'mas禮物~~"我們都是公主"的散文集~~他說書名好襯我~~小藍公主~~多謝你~~~ 今日仲買0左d cd同書書~~呢兩日一共買0左4本喇~加0埋samuel送0既,5本書書有排睇~~~ | | |
| 尋晚爸爸&咪咪去0左飲,我一個人食0左藥藥之後就朦朦朧朧咁訓0左,一覺就訓到大天光,足足訓0左11個鐘~訓醒之後,病病好多了~~雖然只係病0左一日多...但係今次0既病病好似好漫長咁...好似病0左好耐咁...仲記得尋日飲泣住咁同samuel講"我病得好辛苦呀..."好彩今朝訓醒無再頭重重...個胃都無再痛喇... 下午去0左搵penny剪頭髮,好"虛陷"呀~~~因為就0黎新年,salon都人山人海~~penny忙到一頭煙,仲有d神不守舍~~之後本來約0左samuel睇戲,因為我唔係咁舒服,所以擱置0左...唔好意思呀...又話去又唔去...真係我諗得太多,令關係變得沉重?! 之後租0左ronald推介0既"情意拳拳"返去睇,睇到第2隻碟連機都hang0埋...經我呢個機器白痴郁一郁...連個電視都無晒d台..."bear"~~~~~~~~人衰行路打倒"ton"...一下子整"彎"晒全屋影音系統~~~仲要0係呢個十年唔逢一閏,屋企得我一個人0既日子...說起說起...喊0左出0黎...個頭忽然間又好痛... 當我同阿zing講搵唔到自己,阿zing話"迷失0左?咁我買個指車針同地圖比你囉~"雖然只係一個小小0既戲言,但係忽然間好似叮一聲咁~~多謝你呀~阿zing~~ "if u get lost, make up ur mind, give urself a time limit.....dont make it last long lor~~ otherwise u will be crazy! ur must find urself asap!!!!!!!!!!!!!!!!!!!!!!"真係0既?唔好呃我bor~~唔得我會找你悔氣0架!! 0係shirley個blog睇到呢段文字~~好中呀...我諗自己呢一刻0既心情就係咁樣..."無法放下只是習慣,跟愛無關;無法忘記不就等於還有愛,也只是慣性,甚至是惰性"... 幸福就是...火腿通粉+熱檸水~~ | | |
| Friday, January 26, 2007 今日本應"一定"要返工...因為星期一就有客到..但係朝早訓醒個頭好痛...落床都腳軟軟...幾乎行唔郁...所以最後只有打比jason同佢講我返唔到...電話飛0左去"voice貓"度...然後我call咪咪返0黎陪我去睇醫生...已經好耐無試過要咪咪陪我去睇醫生喇...出0左0黎做0野之後,每次病病我都自己去睇,唔駛咪咪陪...但係今次真係好辛苦...一個人頂唔順...所以要咪咪返0黎陪我去睇... 爸爸&咪咪一直"哦"我..."日日返工放工時間咁長,休息又唔夠,又夾硬要去做gym,捱出個病0黎喇~~"...我一直唔出聲...我好想好想話佢0地知我好唔開心...但係又唔想佢0地擔心...所以咪做運動發洩....屈住屈住好辛苦...但係又有邊個明白我... 個人一直暈0下暈0下好辛苦...之後返0左屋企食0左藥藥就訓覺lu...一覺訓醒爸爸&咪咪都出0左街,咪咪煲0左d粥比我今晚食,因為佢0地今晚要去飲~之後阿jo打比我陪我傾0左一陣,佢仲講笑話"唔好再返工喇~"拿拿淋"執0埋d0野飛過0黎我呢邊啦~我照顧你~~"如果真係一句"我照顧你~"就可以解決所有問題就好喇... 後來同samuel傾0左一陣...嘈0左一場...我知佢係關心我先咁樣...雖然我病,但係星期一要開會...我星期日如果唔返工...我真係過唔到自己0個關...要jason幫我?!求人不如求己...佢已經睇死我...我唔想再比佢睇死...無論我仲會唔會0係呢間公司做落去都好...講起工作...個頭就好痛...怱怱收線...對唔住...我唔係發脾氣...後來收到samuel0既sms,多謝你~~~ 之前聽shirley講佢用0左3年去令自己復原,我吃0左一驚~~一段感情0既傷害可以咁大?要咁耐先復原到...講0既0個一刻,shirley0既神情好失落...我從未見過佢呢個樣~平日0既佢好鍾意笑,好有自信0架...到底幾時先可以復原...我都唔知...或者正如samuel所講只係情緒0既問題...情緒總係有起有落0架啦~ 最唔好意思就係兩個星期前應承fifi去飲0野...結果病病去唔到... | | |
|
